Journal entry by Maran Biti Lee —
Hola arho khimo ehobok' reak' katha tahekana, menkhan mayam kom tahekan iate, mayam dherok' lagat' lac're injecsonko emadina. Thora botor in bujhauleda ente katic're Pakistante chutitele senlenre, lac're 14 dhao do rabies patiko emadian. Metak'me pagla seta rua lagit' sanam horko patiket'lere. Nia dhao do onka haso ban bujhauleda. Gapa do arho khimo eman lagit'ko kurumutuia. Khimo do IVte patiteko emankana. Mi't din do 6 ghonta lagao' kana, ar dosar ar tesar din do 2 bar ghontakate. Pahil hapta 3 dindo emadina. ar nia hapta, ponak' haptare do 3 din hoyok'a. Adi boge khobor hoyena. Ona patite mayamko purunkeda, ar khimoko ehop'keda.
Nit dhabic' 3 hapta cikithsa parom akana. Redieson do haptare 5 din. Ona do misinteko ema, ar in do jahanak'ak' ban bujhaua (xray chubiko hatao leka). Onka lekate kensarko goc' gidiyeda. Redieson tayom jom ar ut' do thora koston bujaueda, ente ut' somoe haso kana. Redieson do September mucat' dhabic'ko emana.
17 tarikhre arho mit' jaegare muskilko namkeda, inak' thyroidre. Ona jaega khan, baiopsiteko bidaukeda. Ona reak' result do thikgea. Jahan kensar do bako namleda.
Noa disomre, up' get'kate adom hor do up'ko kola okare nokol up'ko benao. Calaoen hapta kensar haspatal do nokol up'ko emadina, one okatak' do horkoko emakan benao lagit'. Karon do, noako sanam citiksa iate inak' up' do nurha caba akana, ar up' do nitok' banuk'tina.
Ape boeha ar miserako do adi joharin emape kana ente koejorepe disayedina ar uskur kathape eman kana. Isor Baba do adin sarhaoede kana arin gun manao joharae kana ente dinam din Isor do daya ar mayatey perec'gea!
Serenko 138:7 kali khon aleren Pastor do hola noa kathatey uskurket'lina. "Tinre in do gar talaten calak'a unre inak' jiwi do rukhiyai tinme; ..." Sariak' katha kangea.
A $25 donation to CaringBridge powers a site like Maran Biti's for two weeks. Will you make a gift to help ensure that this site stays online for them and for you?
Comments Hide comments